Únete á fraternidade do último dragón galego e descubre a triloxía fantástica de Dragal

Que vos parece se saímos á rúa? Recollendo varias suxestións vosas, queremos proporvos algo: organizar "quedadas" de redelibreiros en diferentes lugares de Galicia.

A idea é sinxela: trátase de elixir un día en cada localidade na que haxa un grupo de redelibreiros que se animen, armarnos cun libro para trocar (como fixemos na presentación en Vigo) e xuntarnos para tomar unhas tapas, coñecernos e pasar un tempo agradable no local que decidamos entre todos. Unha forma interesante de sacar a rede á rúa e porlle cara a aqueles cos que compartimos gustos, opinións e debates... Que vos parece? Quen se anima?

Se vos parece, podemos organizarnos da seguinte forma: abrir un "debate" na sección correspondente deste grupo de quedadas por cada localidade na que haxa redelibreiros con ganas de xuntarse. En cada debate, os da localidade correspondente poderían propor unha data e un lugar ata porse de acordo... Unha vez establecida a data e o lugar, pódese crear un evento de convocatoria para informar a todos os usuarios.

En fin, a proposta queda feita. Agora, só falta que vos animedes...

Que vos parecería poder cambiar cada mes os vosos redepuntos pola novidade editorial que máis vos apeteza?

1. O día quince de cada mes abriremos unha nova entrada neste grupo. Nela, pedirémosvos que indiquedes os títulos que acaben de saír que máis vos apetezan.

2. O primeiro día de cada mes, cos títulos que elixades a quincena anterior abriremos unha enquisa. Teredes outros 15 días para votar que libro queredes que se ofreza na tenda de Redepuntos.

3. O día 15 de cada mes anunciaremos o título ou os títulos que seleccionedes, que estarán dispoñibles na tenda de redepuntos a partir do día 1 do mes seguinte. Para que quede un pouco máis claro, este é un exemplo: do 15 ao 31 de maio, publicamos blog para que vaiades anotando os títulos. Do 1 ao 15 de xuño, publicamos enquisa cos títulos propostos, para que votedes cal elixides. Ese mesmo día ábrese a opción para o título do mes seguinte. O 1 de xullo, pomos na tenda de Redepuntos o libro seleccionado o 15 de xuño.

4. O día 1 de cada mes, xa que logo, e previo anuncio na páxina, poremos a vosa disposición o libro ou os libros elixidos na tenda. O número de títulos e de exemplares variará en función do prezo, que non somos ricos! Iso si, non haberá moitos exemplares de cada, así que teredes que estar atentos...

5. O custo dos libros ofertados roldará os 300 redepuntos. Como cada libro anunciarase polo menos con 15 días de antelación, os que andedes máis escasos de redepuntos xa sabedes o que toca se vos apetece adquirilo: participar na rede! Na tenda tedes as indicacións de como gañar redepuntos. Recordade tamén que, en caso de necesidade, sempre podedes intentar convencer a algún "ricachón" que vos ceda algúns puntos, o sistema da tenda permíteo.

Aquí, no grupo, podedes ir suxerindo os vosos libros...

Libros escollidos

2013

Xaneiro      O rastro que deixamos, de Agustín Fernández Paz. Editorial Xerais.

2012

Decembro       Atl, de Manuel Lourenzo González. Editorial Xerais.
Novembro       Palabras de auga, de Marcos Calveiro. Editorial Xerais.
Outubro       15.724, de Xesús Constela. Editorial Xerais.
Setembro       As fronteiras do medo, de Agustín Fernández Paz. Editorial Rodeira.
Agosto       Onde viven os monstros, Maurice Sendak. Editorial Kalandraka.
Xullo       As meigas de Lupa, de María Solar. Editorial Xerais.
Xuño       Os fillos do mar, de Pedro Feijoo. Editorial Xerais.
Maio       Contos estraños nº1, "Anoiteceres estraños". Contos Estraños Editora.
Abril       Xoán branco e a gran revolta irmandiña, de Fran Zabaleta. Editorial NigraTrea.
Marzo       Laura no deserto, de Antón Riveiro Coello. Editorial Galaxia.
Febreiro       Contos estraños nº0. Amañeceres estraños.Contos Estraños Editora.
Xaneiro       Ninguén, de Fran Alonso. Editorial Xerais.

2011

Decembro       Poñente, de Pere Tobaruela. Editorial Xerais.
Novembro       Medievalario, de Fran Zabaleta. Editorial Redelibros.
Outubro       Lume de cobiza, de Miguel Anxo Fernández. Editorial Galaxia.
Setembro       Non hai noite tan longa, de Agustín Fernandez Paz. Editorial Xerais.
Agosto       La maldición de Hill House, de Shirley Jackson
Xullo       Periferia, de Iolanda Zúñiga. Editorial Xerais.
Xuño       "Los perros y los lobos", de Irene Nemirovsky

Agora que vén o verán que mellor ocasión para facer roteiros literarios e ir coñecendo as casas de escritores que temos no país.

       Benvidos o universo do estraño, do heroico, do tenebroso, do ucrónico. Benvidos a reinos lendarios, a mundos de pesadelos, a realidades alternativas… a galaxias moi moi afastadas. Benvidos o proxecto Contos Estraños. De seguro que o seu propio nome esperta en vós ecos recoñecíbeis, non por nada tomámolo prestado da mítica publicación “Weird Tales”, aquela revista pulp de comezos do século XX na que autores americanos como H.P. Lovecraft ou Robert E. Howard entre outros, asentaron as bases da fantasía e o terror moderno. Con aquel mesmo espírito famento de sorprender, estarrecer ou marabillar emprendemos esta viaxe, que como todas as grandes aventuras comeza cun primeiro paso, e coa firme intención de dar a coñecer eses talentos da escrita fantástica que sabemos moran nesta terra.
       Contos Estraños xérase coa intención de se converter nunha colección de libros, que non revistas, debido o seu formato de arredor das 150 páxinas e a intención de facer perdurar a súa estancia nos andeis das librarías. Polo tanto quedará case exenta de publicidade e de distribución no circuíto comercial de quiosco.
     O seu contido comprende como non pode ser doutro xeito dun groso de contos ou relatos, permitindo un espazo para novelas por entregas, ilustración, unha sección de tradución e outra de entrevistas aos autores máis importantes do panorama literario do fantástico, podendo chegar nun futuro a editarse números especiais ou recompilatorios tanto de contos como de novelas. Estimamos que o seu período de eclosión sexa nun primeiro momento trimestral, máis xa sabedes que cos estraños eóns todo é posíbel, e “mesmo a morte pode morrer”.
       Abrimos sen máis preámbulos as portas desta a vosa casa para que nos enviedes relatos, novelas, ilustracións, todo o que vos queirades e que estea englobado dentro do xénero da fantasía ou a ciencia-ficción. Lembrade que a publicación será en galego, e aínda que podedes mandar o material en castelán, unha vez lle deamos o visto bo correrá da vosa man traducilo.

“Unha páxina en branco… é un bo comezo”.
Jonh Ronald Reuel Tolkien.

http://contosestranhos.blogaliza.org/