Banda deseñada.

Que vos parece se saímos á rúa? Recollendo varias suxestións vosas, queremos proporvos algo: organizar "quedadas" de redelibreiros en diferentes lugares de Galicia.

A idea é sinxela: trátase de elixir un día en cada localidade na que haxa un grupo de redelibreiros que se animen, armarnos cun libro para trocar (como fixemos na presentación en Vigo) e xuntarnos para tomar unhas tapas, coñecernos e pasar un tempo agradable no local que decidamos entre todos. Unha forma interesante de sacar a rede á rúa e porlle cara a aqueles cos que compartimos gustos, opinións e debates... Que vos parece? Quen se anima?

Se vos parece, podemos organizarnos da seguinte forma: abrir un "debate" na sección correspondente deste grupo de quedadas por cada localidade na que haxa redelibreiros con ganas de xuntarse. En cada debate, os da localidade correspondente poderían propor unha data e un lugar ata porse de acordo... Unha vez establecida a data e o lugar, pódese crear un evento de convocatoria para informar a todos os usuarios.

En fin, a proposta queda feita. Agora, só falta que vos animedes...

Hai personaxes que deixan unha pegada especial. As razóns poden ser moitas e moi distintas: identificámonos con eles, lémbrannos a alguén, admirámolos, odiámolos ... ou simplemente están tan ben construídos, que, en certas situacións  lembrámonos deles malia que pasaran anos dende a lectura do libro.

Neste grupo anímovos a que citedes a eses personaxes e, se bos apetece, expliquedes por que gardades unha especial lembranza deles.

A Real Academia Galega acordou dedicar o Día das Letras Galegas do ano 2011 ao escritor e poeta Lois Pereiro (Monforte de Lemos, 1958-A Coruña 1996).

Este grupo pretende ser un lugar de encontro aberto a todos os redelibreiros no que se poidan achegar todo tipo de materiais relacionados coa súa figura e a súa obra, así como un foro onde actualizar as actividades, novidades ou publicacións que teñan lugar ó largo do ano co gallo desta conmemoración.

Boas! Un ano máis, chega decembro e precisamos da vosa axuda! Queremos elixir "os mellores do ano 2012" para os redelibreir@s en varias categorías.

Se vos parece, faremos algo semellante a o sistema que empregamos para elixir o libro do mes na redetenda:

1º. Ata o 15 de decembro, podedes suxerir aquí os vosos candidatos para cada unha das categorías.

2º. Entre o 15 e o 25 de decembro, abriremos unha enquisa para cada categoría cos nomes propostos por vós. E as vosas votacións decidirán os mellores do ano.

Estas son as categorías para o 2012:

1. Editorial galega

2. Obra literaria (novela, poesía, teatro...) en galego

3. Obra literaria (novela, poesía, teatro...) en castelán

4. Libro infantil e xuvenil en galego

5. Libro infantil e xuvenil en castelán

6. Obra non literaria (ensaio, divulgación...) en galego

7. Obra non literaria (ensaio, divulgación...) en castelán

8. Banda deseñada en galego

9. Banda deseñada en castelán

10. Autor/a en galego

11. Autor/a en castelán

12. Ilustrador/a 

13. Tradutor/a

14. Libro mellor editado

15. Mellor proxecto ou evento cultural

16. Libraría

17. Blog

18. Crítico/a

Para facer as vosas propostas de títulos, autores e demais, tedes á vosa disposición un debate por cada categoría neste mesmo grupo.

Animádevos a participar!!