Que vos parece se saímos á rúa? Recollendo varias suxestións vosas, queremos proporvos algo: organizar "quedadas" de redelibreiros en diferentes lugares de Galicia.

A idea é sinxela: trátase de elixir un día en cada localidade na que haxa un grupo de redelibreiros que se animen, armarnos cun libro para trocar (como fixemos na presentación en Vigo) e xuntarnos para tomar unhas tapas, coñecernos e pasar un tempo agradable no local que decidamos entre todos. Unha forma interesante de sacar a rede á rúa e porlle cara a aqueles cos que compartimos gustos, opinións e debates... Que vos parece? Quen se anima?

Se vos parece, podemos organizarnos da seguinte forma: abrir un "debate" na sección correspondente deste grupo de quedadas por cada localidade na que haxa redelibreiros con ganas de xuntarse. En cada debate, os da localidade correspondente poderían propor unha data e un lugar ata porse de acordo... Unha vez establecida a data e o lugar, pódese crear un evento de convocatoria para informar a todos os usuarios.

En fin, a proposta queda feita. Agora, só falta que vos animedes...

Boas! Precisamos da vosa axuda! Queremos elixir "os mellores do ano 2011" para os redelibreir@s en varias categorías.

Se vos parece, faremos algo semellante a o sistema que empregamos para elixir o libro do mes na redetenda:

1º. Ata o 10 de decembro, podedes suxerir aquí os vosos candidatos para cada unha das categorías.

2º. Entre o 10 e o 20 de decembro, abriremos unha enquisa para cada categoría cos nomes propostos por vós. E as vosas votacións decidirán os mellores do ano.

Estas son as categorías para o 2011:

1. Mellor editorial galega

2. Mellor obra literaria (pode ser novela, poesía, teatro...) en galego

3. Mellor obra literaria en castelán

4. Mellor libro infantil e xuvenil en galego

5. Mellor libro infantil e xuvenil en castelán

6. Mellor obra non literaria (ensaio, divulgación...) en galego

7. Mellor obra non literaria en castelán

8. Mellor ilustrador/a

9. Mellor tradutor/a do

10. Libro mellor editado

11. Mellor proxecto ou evento cultural

12. Mellor web ou proxecto 2.0

13. Mellor libraría

14. Mellor blog

15. Mellor crítico

Pensamos que están as máis salientables, pero se queredes propor algunha outra categoría... este grupo é o espazo axeitado.

Para facer as vosas propostas de títulos, autores e demais, tedes á vosa disposición un debate por cada categoría neste mesmo grupo.

Animádevos a participar!!

Grupo para a organización do club de lectura de Redelibros. Nos debates deste grupo podes consultar as novidades de cada mes ou apuntarte para comentar calquera dos títulos dispoñibles.

Máis información sobre o club e 24 symbols aquí

Boas! Un ano máis, chega decembro e precisamos da vosa axuda! Queremos elixir "os mellores do ano 2012" para os redelibreir@s en varias categorías.

Se vos parece, faremos algo semellante a o sistema que empregamos para elixir o libro do mes na redetenda:

1º. Ata o 15 de decembro, podedes suxerir aquí os vosos candidatos para cada unha das categorías.

2º. Entre o 15 e o 25 de decembro, abriremos unha enquisa para cada categoría cos nomes propostos por vós. E as vosas votacións decidirán os mellores do ano.

Estas son as categorías para o 2012:

1. Editorial galega

2. Obra literaria (novela, poesía, teatro...) en galego

3. Obra literaria (novela, poesía, teatro...) en castelán

4. Libro infantil e xuvenil en galego

5. Libro infantil e xuvenil en castelán

6. Obra non literaria (ensaio, divulgación...) en galego

7. Obra non literaria (ensaio, divulgación...) en castelán

8. Banda deseñada en galego

9. Banda deseñada en castelán

10. Autor/a en galego

11. Autor/a en castelán

12. Ilustrador/a 

13. Tradutor/a

14. Libro mellor editado

15. Mellor proxecto ou evento cultural

16. Libraría

17. Blog

18. Crítico/a

Para facer as vosas propostas de títulos, autores e demais, tedes á vosa disposición un debate por cada categoría neste mesmo grupo.

Animádevos a participar!!