As novas tecnoloxías fixeron accesible a publicación dun libro por conta propia. A autoedición é hoxe un fenómeno global, unha verdadeira revolución no mundo editorial. Lonxe de ser un fenómeno novo ou relegado a autores descoñecidos, sabemos que autores como Joyce, Hemingway o Proust editaron as súas propias obras.

 

Con todo, hai unha serie de desvantaxes neste sistema que non debemos obviar. Moitas plataformas de autoedición non corrixen o teu libro nin revisan o texto, por non falar da súa maquetación, o que con frecuencia provoca o rápido rexeitamento da obra por parte dos lectores e, tamén, polos críticos e a prensa especializada. Por outra banda, o autor independente non conta coa experiencia dun editor, nin co apoio dun equipo de publicidade, mercadotecnia, distribución, etc., o que supón un enorme traballo e moitas decisións equivocadas que, ao final provocan un investimento moito maior do necesario.

 

Edicións Redelibros ten un obxetivo claro: que os autores independentes publiquedes nas mellores condicións posibles, acompañados e aconsellados a cada paso por un equipo de profesionais da edición e por un selo editorial que vele polos vosos intereses e vos ofreza as mellores oportunidades para que vexades os vosos soños cumpridos. E, sempre, a un custo moi reducido e con total control sobre as súas vendas. Ese é o noso obxetivo e ese é, tamén, o noso compromiso contigo.

 

O noso traballo consiste xustamente en axudarte no proceso, asesorarte para que evites os erros típicos doutras plataformas de autoedición. Contamos cun equipo moi cualificado de escritores, editores, maquetadores e impresores que se encargarán de canto precises. Nós encargarémonos de todo, sempre consultando contigo cada paso: da revisión e a edición, da maquetación, a impresión e os trámites administrativos precisos para a obtención do ISBN, Depósito Legal e Código de Barras, imprescindibles para rexistrar e comercializar a túa obra. Ti tomas as decisións, nós as levamos á práctica. Así de sinxelo.

 

Estas son as fases do proceso editorial:

 

1. Revisión e corrección editorial

2. Rexistro e obtención do ISBN e do Depósito Legal

3. Maquetación

4. Deseño de portada

5. Impresión

6. Conversión a epub

7. Promoción, distribución e venda (en librarías físicas e online)

 

Ten en conta que é moi posible que non as precises todas. Por exemplo, pode ser que o teu libro xa estea maquetado (ou que ti mesmo queiras maquetalo, ou que cho maquete un amigo); poida que só pretendas comercializalo en papel (ou pola contra, só en epub).

 

Pero hai moito máis...

A idea de Redelibros é que publicar non supoña un gasto económico enorme nin un sacrificio ou esforzo insalvable, senón que estea na man de calquera autor que o desexe. Por iso, se non dispós do capital preciso para publicar o teu libro coa calidade que desexas, podes contar con nós para publicitar e xestionar o teu proxecto en Verkami, unha plataforma de crowfunding moi ligada ao mundo da cultura, onde poderás atopar xente interesada en financiar a túa obra.

 

 

Estás interesado? Pois o tes doado: ponte en contacto con nós. Preferimos manter un trato personalizado cos autores, e por iso non dispomos dun servizo automatizado para o envío de obras. Para nós cada libro é un proxecto novo e xa que logo desexamos coñecerche a ti e a túa obra de primeira man. Se queres máis información, non dubides en porte en contacto connosco a través do formulario inferior. Responderemos as túas dúbidas e, se o desexas, chamarémoste para falar con calma.