Citas citables

• Publicado por Puri Ameixide 08 Decembro 2010 - Arquivado en Bibliotecas - #  #citas  #Animación a lectura  #recursos para bibliotecas  - 572 visitas
  Estou recopilando citas sobre os libros, a lectura, as bibliotecas e todo o que teña relación con esta actividade que compartimos. Non todas as que vou atopando son perlas de sabedoría, hai de todo, moitas afirmacións que aquí aparecen non as comparto, outras son demasiado similares, algunhas son de dubidosa autoría. Pero a maioría poden ser útiles e está ben reunilas e ordealas gardándoas como posíbel recurso para decorar librarías, bibliotecas, aulas, estampar camisetas e outros agasallos, elaborar calendarios, marcalibros, etc.
  Convídovos, por suposto, a utilizalas, corrixir algunha que poida estar mal,
  engadir as que atopedes por aí, etc.
  
  

  Adolfo Bioy Casares Creo que parte do meu amor á vida llo debo ao meu amor aos libros.
  Alberto ManguelToda biblioteca é unha biblioteca de preferencias,
  e toda categoría elixida implica unha exclusión.
  Alberto Manguel
  Unha sala configurada conforme a categorías artificiais,
  como é o caso dunha biblioteca, suxire un universo lóxico,
  un "universo xardín-de-infancia", onde todo ten o seu sitio e a súa definición procede do sitio que ocupa.
  Alberto Manguel
  Sexa cal for a clasificación elixida, toda biblioteca tiraniza o acto de ler e obriga ao lector- ao lector curioso, ao lector atento- a resgatar o libro
  da categoría á que foi condenado.
  Amadou Hampâté Bâ
  En África, todo ancián que morre é unha biblioteca que arde.
  Arthur Schopenhauer
  Sería bo mercar libros, se se puidese mercar tamén o tempo para lelos; pero case sempre se confunde a compra dos libros
  coa apropiación do seu contido.
  
  Baltasar Gracián
  Algúns estiman os libros pola súacorpulencia, como se fosen escritos para exercitar os brazos e non os enxeños.
  Benjamin Franklin  
  Carecer de libros propios é o colmo da miseria.
  
  Bertrand Russell
  Unha vida entre libros posúe unha calma e unha paz moi grandes. Aínda que é certo que nos sentimos atafegados por unha fame terrible
  de algo menos tenue, aforramos o remordemento e o horror e a tortura
  e o enloquecedor veleno do arrepentimento.
  Blaise Pascal
  Os mellores libros son aqueles que as persoas que os len pensan
  que  tamén elas podían telos escrito.
  Charles Lamb
  Xeralmente lese para dicir que se leu.
  Charles Lamb
  Gústame extraviarme a min mesmo a través doutras mentes.
  Cando non estou pensando, estou lendo. Son incapaz
  de sentarme e porme a pensar. Os libros pensan por min.
  Cicerón
  Se tes unha biblioteca ao lado dun xardín, xa o tes todo.
  Daniel Pennac
  Estamos habitados por libros e por amigos.
  Daniel Pennac
  O verbo ler non soporta o imperativo.
  Descartes
  Os malos libros provocan malos costumes
  e os malos costumes provocan bos libros.
  Emilio Lledó
  Ler é romper coa monotonía do noso propio discurso, ás veces
  tan empobrecido, encher de aire novo a mente con todo o que se escribiu;
  a literatura é a verdadeira xoia da humanidade. Unha biblioteca é por iso
  memoria, diálogo e luz, un estímulo constante
  para exercer a pura alegría de ler.
  Emily Dickinson
  Non hai mellor fragata que un libro para levarnos a terras afastadas.
  Ernest Hemingway
  Toda a literatura americana moderna parte dun libro de Mark Twain titulado "Huckleberry Finn". Antes non había nada. Non houbo nada bo desde entón.
  Ernest Hemingway
  Para un auténtico escritor, cada libro debería ser un novo comezo
  no que el intenta algo que está máis aló do seu alcance.
  Esther Tusquets
  Deixas libros no coche e ninguén chos rouba, anque estea aberto.
  Francisco de Quevedo  
  Hai libros curtos que, para entendelos como merecen,
  cómpre unha vida moi longa.
  Franz Kafka
  A literatura é sempre unha expedición á verdade.
  Gabriel García Márquez
  O escritor escribe o seu libro
  para explicarse a si mesmo o que non se pode explicar.
  Gabriel García Márquez
  Nunca releo os meus libros, porque me dá medo.
  Graciela Montes
  A biblioteca é o lugar natural do lector (...) Física e virtualmente
  unha biblioteca é unha gran trama de mundos entrelazados de mil xeitos,
  un labirinto de corredores, estantes e sitios alternativos
  que ofrecen non un camiño -un método- senón infinitos camiños. 
  Graciela Montes
  O aire non entra pola súa conta nos nosos pulmóns,
  é o baleiro que se fai nos pulmóns o que arrastra cara adentro o aire.
  Coa lectura é igual, ten que haber un baleiro que se encherá lendo.
  Se o baleiro non está, de nada vale empuxar cara adentro a lectura.
  Esa é a condición previa. O baleiro: metaforicamente, a pregunta, o que non se sabe, o que a un lle falta. 
  Graciela Montes
  A biblioteca, como institución, segue sendo o sitio
  onde mellor aprender a ser un lector pleno e avisado, un sitio non tanto para atopar respostas
  senón para aprender a formularse preguntas. 
  Groucho Marx
  Creo que a televisión é moi educativa. Cando alguén a acende
  voume a ler un libro. 
  Groucho Marx
  Fóra do can, o libro é o mellor amigo do home. Dentro do can,
  quizá estea moi escuro para ler. 
  Guillermo Castán Lanaspa
  Unha biblioteca aberta é aquela capaz de servir a obxectivos plurais:
  curriculares e non curriculares, académicos, educativos e culturais;
  capaz de compensar ou polo menos paliar as desigualdades sociais no acceso á cultura e aos instrumentos que posibilitan o éxito escolar.
  Helen Keller
  A literatura é a miña Utopía. Non hai barreira de sentidos
  que me poida quitar este pracer. Os libros fálanme
  sen impedimentos de ningunha clase.
  Hilario Hernández
  É na rede de bibliotecas dun país onde se concreta de xeito específico
  a acción da sociedade para favorecer e estender a práctica da lectura
  en todos os sectores da poboación.
  Hilario Hernández
  A existencia dunha boa rede de bibliotecas aparece asociada aos índices
  máis altos de hábitos de lectura que se rexistran en moitos países europeos.
  Honoré de Balzac
  Un libro fermoso é unha vitoria gañada
  en todos os campos de batalla do pensamento humano. 
  Jean-Paul Sartre
  O mundo ben podería existir sen a Literatura... e incluso mellor sen o Home!
  John Fitzgerald Kennedy  
  Amar a lectura
  é trocar horas de fastío por horas de inefable e deliciosa compañía. 
  Jorge Luís Borges
  Ordenar unha biblioteca é unha maneira silenciosa de exercer a arte da crítica. 
  Jorge Luís Borges
  Hai quen non pode imaxinar un mundo sen paxaros; hai quen non pode
  imaxinar un mundo sen auga; pola miña parte son incapaz
  de imaxinar un mundo sen libros.
  Jorge Luís Borges
  Quizá me enganen a vellez e o temor, pero sospeito que a especie humana
  -a única- está por extinguirse e que a Biblioteca perdurará:
  iluminada, solitaria, infinita, perfectamente inmóbil.
  Armada de volumes preciosos, inútil, incorruptible, secreta.
  José Antonio Millán
  Agora sabemos que quen desde o sistema educativo e as editoriais,
  desde os fogares e bibliotecas loitaban pola lectura, estaban tamén traballando pola sociedade da información e o coñecemento: antes de que existise. 
  José Manuel Caballero Bonald
  A afección a ler xenérase, normalmente, a través dunha serie
  de espontáneos estímulos educativos.
  José Vasconcelos
  Un libro, como unha viaxe, comézase con inquietude
  e termínase con melancolía.
  Juan Delval
  A lectura é a chave que nos abre un mundo infinito de fantasías
  que nos transportan a mundos posibles
  en que non só aprendemos sobre a vida, senón que nos estimula a pensar.
  
  Louisa May Alcott
  É un bo libro aquel que se abre con expectación e se pecha con proveito. 
  Mariano Coronas
  Cando alguén le un libro ou unha revista xa non é igual a como era antes
  da lectura. Con frecuencia, esa lectura abre a nosa imaxinación,
  achega novas referencias ou sorprendentes desvaríos e axúdanos a desenvolver novas ideas.
  Mariano Coronas
  Un entra un día na biblioteca e sen saber como atopa nun recuncho,
  sobre unha mesa, algúns libros que descoñecía. E tócaos, cólleos, chéiraos,
  ábreos e mira con avidez o seu contido...
  Mario Vargas Llosa
  Igual que escribir, ler é protestar contra as insuficiencias da vida.
  Mario Vargas Llosa
  Toda novela é un testemuño cifrado; constitúe unha representación do mundo, pero dun mundo ao que o novelista engadiu algunha cousa: o seu resentimento, a súa nostalxia, a súa crítica.Michel de Montaigne
  Os libros son o mellor viático que atopei para esta humana viaxe.
  Miguel Angel García Herrera
  A literatura regálache a sabedoría das vidas dun sen número de autores
  e personaxes marabillosos, sen o molesto inconveniente
  de teres que morrer cada vez.
  Miguel Angel García Herrera
  O demo non sabe máis só por vello,
  asegúroche que ten varios libros no andel do inferno. 
  Miguel de Cervantes
  Non hai libro tan malo que non teña algo bo.
  Miguel de Unamuno
  Canto menos se le, máis dano fai o que se le.
  Montesquieu
  O estudo sempre foi para min o remedio soberano contra o fastío da vida, e tan só sentín pena porque me quitasen unha hora de lectura.
  Mpalzutsa
  As bibliotecas escolares son o fundamento e á vez a pedra angular
  de todos os demais tipos de biblioteca. 
  Oscar Wilde
  A diferenza entre literatura e xornalismo é
  que o xornalismo é ilexible e a literatura non é lida.
  Oscar Wilde
  Non hai libros morais nin inmorais. Os libros están ben escritos ou non o están.
  Paul Valéry
  Os libros teñen os mesmos inimigos que o home. O lume, a humidade,
  os animais, o tempo e o seu propio contido.
  Pío Baroja
  A literatura non pode reflectir todo o negro da vida. A razón principal
  que a literatura escolle, e a vida non.
  Pío Baroja
  Unha novela longa será sempre unha sucesión de novelas curtas.
  Ralph Waldo Emerson
  O talento só non basta para facer un escritor. Detrás do libro
  debe haber un ser humano.
  Ralph Waldo Emerson
  Todo libro que foi botado á fogueira ilumina ao mundo.
  Ray Bradbury
  Hai peores cousas que queimar libros, unha delas é non lelos.
  Ray Bradbury
  Só hai dúas cousas coas que un se pode deitar: unha persoa e un libro.
  Ray Bradbury
  Sen bibliotecas, que nos quedaría? Non teriamos pasado nin futuro.
  Ricardo León
  Os libros ensináronme a pensar, e o pensamento fíxome libre.
  Rubén Darío
  Un bo libro é o mellor dos amigos, o mesmo hoxe que sempre.
  Séneca
  No es preciso tener muchos libros, sino tenerlos buenos.
  Susan Sontag
  A literatura é liberdade.
  Thomas Carlyle
  A verdadeira universidade de hoxe en día é unha colección de libros.
  Tomás Kempis
  Teño buscado por todas partes a calma
  e non a atopo máis que nun recuncho apartado, cun libro nas mans.
  Umberto Eco
  Hai libros que son para o público, e libros que fan o seu propio público.
  Umberto Eco
  O mundo está cheo de libros preciosos que ninguén le.
  Woody AllenFixen un curso de lectura rápida e lin "Guerra e Paz" en vinte minutos:
  trata de Rusia.
  ........................................
  Sen autor coñecido:Sinopse de  "Fahrenheit 451": Ler impide ser inxenuamente feliz.